Jallallt’atapxtawa

RR.HH. yatichsuw amtawix UMSAn machaq yänakamp wali suma irnaqt’añatakiwa. Akarjam, aka amtawix TIC’s (Tecnologías de Información ukhamarak Comunicación) ukhamarus Ofimática Educativa tuqinakat jach’a yatiñ utan piq’inchirinakapar, yatichirinakapar, yatiqirinakapar ukhampis irnaqirinakapar yatichsu.

 

LURAWI
Uñjt’at ukhamarus pisuñjt’at yatichsuwi eLearning yänakamp ch’amanchaña, akax taqi jach’a yatiñ utan irnaqirinakatakiwa; ukhamarus UMSAn TIC’s utjawinak apnaqañatic  ch’amanchasirakini.

UÑTAWI
Markachirinakar yanapt’ir, irnaqawxat ukhamarus yatiqawxat, mä aski yatiñ ut munasi, akax TIC’s ukanakampiw lurasini, akax machaq yänakat aski yatxatatanak irpsuni.

AMTAWINAKA
TIC’s (Tecnologías de Información ukhamarak Comunicación) tuqit taqi jach’a yatiñ utan irnaqirinakatak mä aski yatichsuw luqtaw luraña ukhamarus yati jasanchir nayrar sarayaña.

JISK’A AMTAWINAKA
1. Yatichsuw ukhamarak yatintayaw amuy irpanak amt uchaña.
2. UMSAn TIC’s yatichsuw ukhamarak jasanchaw yatintayaw tuqit aski munawinak ukhamarak mayiwinak kamachiña.
3. UMSA irnaqirinakapan ukhamarak munawinakap uñacht’ayaña, akanakax UMSAn chhijnuqanakan 1iri ukhamarak 2iri yatintayaw pachanakan uñjasitana; akanakampix Ofimática ukhamarak Informática Educativa tuqinakar ch’amanchañatak amt uchaña.
4. RR.HH. chhijnuqan sartawip ukhakarus jilxatawip yatichsuw tuqit UMSA manqhar uñicht’ayaña.

Yuspajarapsmaw jutatamat, kutt’aniskakim nanakax suyasipkamawa.